طال ما الحال بقت ظلمة و تجنى و قدرة
ما راجعك يمين بعد العرفتو و بدرا
روحى كوسى زى ود الامين فى الهجره
ما بتلقى المثيل كوم قش و دبوس ابرا
&&&
خلاص فكيت زمامك ارعى منى بعيدة
افرحى بالفكاك من المسكتو شديدة
خابر مشرعك و متلك بيسهل صيدا
انا ما داير لسان يبدا الحكايه و يعيدا
&&&
انا منك كفانى الشفتو يا المستورة
ما داساها كونك فى الحضارة و دورا
ما دام صدك قدر وانتى بيهو فخورة
روحى بغباك وتانى مافيك شورة
&&&
يابت الاصول انا ما مشوش فكرى
شدت ما بضيق لامن يعوذ بيك فكرى
بعكر و كل ما القاك بزيد فيك عكرى
خلاص ريدك صبن و هواك روح بدرى
&&&
خــــــــــــــــــــــــــــــــــــــــلأاص
كجتنو ريدك و انتى لى مسختى
ما رق ريدى من جلدك وحارة سلختى
بقد اكاخة و انسى هواك و تصبحى اختى
و اشوف الدروب الشالتك يا بختى
&&&
خــــــــــــــــــــــــــــــــلأأص
زالت عقدتى و سجن الهوان فكانى
فوقو ببيت قوى .. ما لاقى عيش ياخوانى
لما شلت قلبى قلعتو بى مصرانى
شيلى هديتو ليك .. مااظن يدق من تانى
ابشر ابشر ابشر
_________________
نرجوها كلمات بضه
كنقوش طليت بالفضه
تجلوها عنى الاحزان
كلمات ليست للسلطان
الخميس ديسمبر 10, 2009 5:48 pm من طرف 
موضوع: شاكوش الباديه 
