نتشة .... وبس

10his · موضوع: نتشة .... وبس الأربعاء يونيو 17, 2009 5:56 pm

نور محيك برق ضو الليالى بدروك
و سال فرعك عتم عداها فاتا ستورك
نسام الشمال الجاك هناك فى خدورك
نفسك مستكة و الصندلية بخورك
&&&
يا القصبة النديه الديسا فى اللين شايل
قمر السبعتين وجهك بشوفلو نفايل
ريدك وجبى و خليهو قول القايل
غيرك ما بعيش و انا غير لماك ما سائل
&&&
انا ما قايل اعيش بعدك طويتا فرشتى
من دون الخلوق جايك اقاسمك عيشتى
هجرك يا ام عجن مسخ على معيشتى
وكيف ما يعجبك حبر الدوايه و ريشتى !!!؟
&&&

_________________
نرجوها كلمات بضه

كنقوش طليت بالفضه

تجلوها عنى الاحزان

كلمات ليست للسلطان

**Admin** · موضوع: رد: نتشة .... وبس الخميس يونيو 18, 2009 9:59 am

وكيف ما يعجبك حبر الدوايه و ريشتى !!!؟

والله الما بيعجبها البتكتبو دا ،،، تكون بالغت عديـــــــــــــــل كدا!!!!

_________________
أثبت وجودك ,, لا تقرأ وترحل
شاركـ بوضع رد ،، أو موضـــــوع