[size=16]اصابعي العشره تكتب ليك وقلبي استيكتا للغلط يمسح
ولمن تنتهي الكلمات يخش الشنطه في منديل وجوه الشنطه يتفسح
ونمشي القهوه وقلبي الدايش وسط منديل يسكلب ويقول ياليل وجوه الشنطه يتمرجح
وترجعي تاني يالحلوه تلقيني راجيك هناك مطلوب
اشوف الناس طشاش في طشاش واقرأ سطوري بالمقلوب
واقول السمحه لو تسمح وفي كلمه
واحسن نمشى في زاويه وركن ضلمهش
تقوم السمحه تتلملم وتتبسم
وانا اتراجف واتخمخم
وارمى الكرسى اوف سوري
واقع في الجمبي اوف سورى
وجمب السلم اوف سورى
هناك في الزاويه نتقعد
وانا استغفر واشهد
واقول ليكى000 والله000 وغايتو الزول000
هي ماقادر اقول ليكى
تقول هي يادا فيها شنو ومعانا منو
قول يعني وماتخجل وتتعقد
قال انا اتعقد
ازح جمبك ازيد الخلطه تسبيكه
اقول ليك بي صوت ندى ورايع يفيض رقه ومزيكه
من فضلك ونترجاك ترجعي لي اللستييييييييييييييكه[/size]
_________________
أثبت وجودك ,, لا تقرأ وترحل
شاركـ بوضع رد ،، أو موضـــــوع
الخميس ديسمبر 10, 2009 5:48 pm من طرف 
موضوع: الاستيـــكة 
